काठमाडौं । त्रिभुवन अन्तर्राष्ट्रिय विमानस्थलबाट ३ सय २० ग्राम सुनसहित दुई जना भारतीय नागरिक पक्राउ परेका छन् ।
हिमालयन एयरको उडानद्वारा दुबईबाट काठमाडौं आएका उनीहरुलाई विमानस्थलको आगमन गेटमा जाँच गर्ने क्रममा पक्राउ गरिएको हो ।
पक्राउ पर्नेमा भारतीय नागरिक २६ वर्षीय मिहिर संजयकुमार अग्रवाल र ३० वर्षीय आचल प्रग्नेशकुमार जबेरी रहेका छन् ।
उनीहरुको साथबाट ३ सय २० ग्राम तौल भएको सुन जस्तो देखिने धातुको बाला १ थान तथा सिक्री १ थान र जबेरी बरामत गरिएको प्रहरीले जनाएको छ । थप अनुसन्धान तथा कारबाहीको लागि उनीहरुलाई त्रिभुवन विमानस्थल भन्सार कार्यालय गौचर, काठमाडौं पठाइएको छ ।
