काठमाडौँ । काठमाडौँको तिनकुनेस्थित गैह्रिगाउँमा शुक्रवार मध्यराति दिब्य सःमिलमा चार जनाको भएको सामूहिक हत्यामा सम्लग्न व्यक्तिको पहिचान खलेको प्रहरीले जनाएको छ ।
उक्त घटनामा सम्लग्न भएको आरोपमा आइतबार थप एकजना शंकास्पदलाई पक्राउ गरि घटनाको प्रारम्भिक अनुसन्धानबाट सम्लग्न व्यक्ति खुली सकेको केन्द्रीय प्रहरी प्रवक्ता तथा प्रहरी नायवमहानिरीक्षक कुवेर कडायतले बताउनुभयो ।
उहाँले भन्नुभयो, “उक्त सामुहिक हत्यामा सम्लग्न भएको आरोपमा आज थप एकजनालाई पक्राउ गरिएको छ, घटनाको प्रारम्भिक अनुसन्धानबाट सम्लग्न व्यक्ति खुली सकेकोले पत्रकार सम्मेलन गरी हत्यारा सार्वजनिक गरिने छ ।”
निजलाई काठमाडौँ उपत्यका अपराध अनुसन्धान कार्यालयको टोलीले भक्तपरबाट पक्राउ गरेको प्रहरीले जनाएको छ ।
उक्त सामुहिक हत्यामा दिब्य सःमिलमा सुरक्षा गार्डको जिम्मेवारीमा रहेका कुमार भुजेलसहित उनकी श्रीमती अम्बिका भुजेल, ७० वर्षीया आमा सुमित्रा भुजेल र मोरङ घर भएका १९ वर्षीय नविन राई रहेका छन् ।
उनीहरुको टाउको र शरिरका विभिन्न भागमा धारिलो हतियारको चोट देखिएको प्रहरीले जनाएको छ ।
