काठमाडौँ । प्रहरीले पोखरा बागलुङ बसपार्क स्थित सुर्यदर्शन बचत तथा ऋण सहकारी संस्थाका कोषाध्यक्ष ४२ वर्षीय कुमार रम्तेललाई आज पक्राउ गरेको छ ।
काठमाडौँ उपत्यका अपराध अनुसन्धान कार्यालय र जिल्ला प्रहरी परिसर काठमाडौँको समन्वयमा कास्की प्रहरीको टोलीले रम्तेललाई केही समय अघि ललितपुर महानगरपापलिका–१४ कुमारीपाटीबाट पक्राउ गरेको केन्द्रीय प्रहरी प्रवक्ता तथा नायव महानिरीक्षक कुवेर कडायतले जानकारी दिनुभयो ।
उहाँका अनुसार कोषाध्यक्ष रम्तेलविरुद्ध जिल्ला अदालत कास्कीबाट पक्राउ अनुमति जारी भएअनुसार पक्राउ गरिएको हो । सुर्यदर्शन सहकारीका सञ्चालकहरु विरुद्ध जिल्ला प्रहरी कार्यालय पोखरामा नौँ सय ७१ जना वचतकर्ताहरुले रकम हिनामिना गरेको भन्दै उजुरी दिएका प्रहरीले जनाएको छ ।
