इङलिस प्रिमियर लिग अन्तर्गत गएराति भएको खेलमा आर्सनलले म्यान्चेस्टर युनाइटेड विरुद्ध रोमाञ्चक जित दर्ज गरेको छ ।
आर्सनलको खेल मैदान इमिरेट्समा भएको खेलको पहिलो हाफमा दुबै टोलीबाट एक एक गोल भए पनि खेलको निर्णय अन्तिम समयको इन्जुरी टाइममा भएको भएको थियो । ८८औं मिनेटमा युनाइटेडका लागि अलेजान्ड्रो गारनाचोले एक सुन्दर गोल गरे पनि त्यो अफसाइड भएको थियो ।
त्यस लगत्तै इन्जुरी समयमा आर्सनलका लागि डेक्लान राइस र काउन्टर एट्याकमा जेसस गेब्रियलले गोल गरेर आर्सनललाई ३–१ गोल अन्तरले विजयी गराए ।
यसअघि पहिलो हाफमा युनाइटेडका लागि मार्कस रासफोर्डले २७ औं मिनेटमा गोल गरेर युनाइटेडलाई अग्रता दिएका थिए । तर त्यो अग्रता एक मिनेट पनि टिकेन ।
आर्सनलका लागि २८ औं मिनेटमा डिबक्स भित्र गेब्रिएल मार्टिनेलीले सिर्जना गरेको पासमा मार्टिन ओडिगार्डले गोल गरेर खेललाई बराबरीमा ल्याएका थिए ।
यो जितसँगै आर्सनलले ४ खेलबाट १० अंक सहित पाँचौं स्थानमा उक्लेको छ । म्यान्चेस्टर युनाइटेड भने २ हार सहित ४ खेलबाट ६ अंक सहित ११ औं स्थानमा छ । एजेन्सी
