काठमाडौँ । ललिता निवास जग्गा प्रकरणमा अनुसन्धान गरिरहेको सीआईबीले आज बयानका लागि पूर्वमन्त्री चन्द्रदेव जोशीलाई बोलाए पनि वयान नलिई फर्काएको छ ।
सीआईबीले तत्काल बोलाएपछि आफू झरीमा रुझ्दै स्कुटरमा गएको तर पुगेपछि ‘अहिले फर्कनुहोस् पछि बोलाउँछु’ भनेर जानकारी गराएको जोशीले न्यूजपोलारलाई जानकारी दिनुभयो ।
उहाँले भन्नुभयो ‘पहिलो पटक सिबिआइ प्रमुख आफैले बयानका लागि भनेर बोलाउनु भयो । तर फेरी अहिले नआउनु भनि खबर आयो । आज फेरी बोलाए बमोजिम सवा १ बजे सीबीआइ कार्यालय पुगेको थिए । तर बयान नलिइ फेरी बोलाउँला भनी फर्काइयो । भ्रष्टाचारविरुद्धको हरेक प्रयासमा मेरो प्रतिवद्धता कायम छ । म फरार छुँइन ।’
यसअघि सीआईबीले पूर्वप्रधानमन्त्रीद्वय माधव नेपाल र डा बाबुराम भट्टराईको भने उहाँहरुको अनुकुल स्थानमा पुगेर केही ‘सोधेको ‘जनाएको थियो ।
