काठमाडौं । ६० किलो सुन तस्करी प्रकरणमा पक्राउ परेका ७ जना चिनियाँ नागरिकसँग नेपाली नागरिकता भएको पाईएको छ ।
प्रहरीको केन्द्रीय अनुसन्धान ब्युरो (सीआईबी)ले अनुसन्धानको क्रममा चिनियाँ नागरिकसँग नेपाली नागरिकता भेटिएको जनाएको छ ।
अनुसन्धानमा खटिएका एक अधिकारीले भने, ‘उनीहरु नेपाली नागरिकता बनाएर नेपालमा बसेको पाईएको छ । उनीहरुसँग चिनियाँ पासपोर्टमा पनि छ । ’
सीआईबीका अनुसार पक्राउ परेका टाइन मी, विङ टङ, डिङ से पा, लि नेङकाई, गाउ हुई, झोङ सेक चिन र ताङ पिङ, लिन चुवानले काभ्रे जिल्ला प्रशासनबाट नेपाली नागरिकता लिएको पाइएको छ ।
राजस्व अनुसन्धान विभागले त्रिभुवन अन्तर्राष्ट्रिय विमानस्थलबाट भन्सार पास गरेर ब्रेक शुभित्र राखेर ल्याइएको अवस्थामा ६० केजी सुन बरामद गरेको थियो ।
