प्रचण्ड–माधवलाई लक्षित गर्दै दक्षिणपन्थी स्वार्थको झोले भएको ओलीको टिप्पणी

काठमाडौँ । नेकपा (एमाले) का अध्यक्ष केपी शर्मा ओलीले पुष्पकमल दाहाल प्रचण्ड र माधव नेपाललाई लक्षित गर्दै दक्षिणपन्थी स्वार्थको झोले भएको टिप्पणी गर्नुभएको छ ।

बागमती प्रदेश कमिटीलाई प्रशिक्षण दिँदै उहाँले नेता नेपालले एमालेमै हुँदा पनि वामपन्थी दुई तिहाइको सरकार ढाल्नको लागि दक्षिणपन्थी सरकार बनाउनको लागि भोट हालेको बताए ।

“हामीलाई पनि झोले भन्छन् । तर, खास वामपन्थी देखिएर दक्षिणपन्थीको झोला बोकेर कुदेका छन् । त्यसलाई भन्छन् झोले ।”, उहाँले भन्नुभयो, “नामका वामपन्थी, साइनबोर्ड वामपन्थी, स्वार्थहरुको झोला बोकेका छन् दक्षिणपन्थीको झोले भनेको दक्षिणपन्थी स्वार्थका झोला बोक्नेहरु हुन् । शब्द नराम्रो लागेपनि मिलाएर बुझ्नुहोला ।”