काठमाडौं । एमालेको अवरोधपछि आजपनि प्रतिनिधि सभाको बैठक स्थगित भएको छ ।
सोमबार बसेको बैठकमा एमालेले सुन प्रकरणमा उच्चस्तरीय छानबिन समितिको माग गर्दै नाराबाजी गरेपछि सभामुख देवराज घिमिरेले बैठक स्थगित गरेका हुन् ।
बैठक सुरु हुनेवित्तिकै एमाले सांसदहरु आसनबाट उठेका थिए । एमाले सांसदहरु उठेपछि सभामुखले कांग्रेस सांसद सुनीलकुमार शर्मालाई संक्षिप्तमा बोल्न समय दिए र अरु सांसदलाई बस्न अनुरोध गरे । तर एमाले सांसदहरु सभामुखको आग्रहलाई बेवास्ता गर्दै उठिरहे ।
एमाले सांसदलाई पटक पटक बस्न आग्रह गर्दा पनि उनीहरुले नाराबाजि गरिरहेपछि सभामुखले बैठक भाद्र ३ गते बस्नेगरी स्थगित गरेको घोषणा गरेका हुन् ।
सुन प्रकरणमा उच्च स्तरिय छानबिन समिति गठन गर्न माग गर्दै एमालेले निरन्तर संसद अवरोध गर्दै आईरहेको छ ।
