एजेन्सी । एउटा विमान उडाउन हजारौं लिटर इन्धनको प्रयोग गरिन्छ । तर, के तपाईले कहिल्यै कल्पना गर्नुभएको छ कि यदि त्यति तेल सवारी साधनमा भरियो भने कति वटालाई ‘फुल ट्यांकी’ गर्न सकिन्छ ?
एक बोइंग या एयरबसमा यति धेरै मात्रामा तेल हुन्छ जसबाट हजारौं बाइकको ट्यांकी एकसाथ भर्न सकिन्छ ।
एक एयरबस ए ३८० को फ्युल ट्यांकमा ३२३,५९१ लिटर तेलको क्षमता हुन्छ । यस्तै, सानो जहाजमा ४–५ हजार लिटर तेल अटाउँछ ।
ठूला जहाजमा १३० हजार देखि १९० हजार लिटर तेल भरिन्छ । अर्कोतर्फ बाइकमा ३ लिटर देखि १५ लिटर तेल जाने हुन्छ ।
यसरी अनुमान लगाउन सकिन्छ एक विमानको इन्धनले ६४ हजार बाइकको ट्यांकी भर्न सकिन्छ ।
