काठमाडौँ । प्रमुख प्रतिपक्ष दल नेकपा एमालेको संसदीय दलको बैठक सुरु भएको छ । संघीय संसद भवनस्थित ल्होत्से हलमा बैठक केहीबेरअघि सुरु भएको एमाले संसदीय दलका सचेतक महेस बर्तौलाले जानकारी दिनुभयो ।
प्रधानमन्त्री पुष्पकमल दाहाल ‘प्रचण्ड’को पछिल्लो विवादास्पद अभिव्यक्तिको संसदमा विरोध गर्ने निर्णय गर्न एमालेले संसदीय दलको बैठक डाकेको हो ।
प्रतिनिधिसभा बैठक बुधबार दिउँसो तीन बजे बस्दैछ ।
प्रचण्डले आफूलाई प्रधानमन्त्री बनाउन सरदार प्रितम सिंह पटक–पटक दिल्ली गएको भनी दिएको अभिव्यक्तिप्रति एमालेले आपत्ति जनाएको छ ।
भारतको जम्मुबाट नेपाल आई व्यवसाय थालेका सरदार प्रितम सिंहको पुस्तक विमोचन क्रममा प्रचण्डले आफूलाई प्रधानमन्त्री बनाउन सिंह पटक पटक दिल्ली गएको अभिव्यक्ति दिनुभएको थियो ।
