काठमाडौँ । सात सदस्यीय प्रतिनिधिमण्डलको नेतृत्व गर्दै श्रेष्ठ पाँच दिने भ्रमणका लागि मंगलबार राति चीनको सिचुवान प्रान्तको भ्रमणका लागि प्रस्थान गर्नुभएको छ ।
उहाँले आज छेन्दुमा आयोजना हुने पश्चिमी चिनियाँ अन्तर्राष्ट्रिय मेलाको उद्घाटन समारोहमा सहभागी भएर विशेष सम्बोधन गर्नुहुनेछ भने सिचुवान विश्वविद्यालयमा भेटघाट तथा अवलोकनसहित त्यहाँ अध्ययनरत करिब तीन सय विद्यार्थीहरूलाई सम्बोधन पनि गर्नुहुनेछ ।
भ्रमणको क्रममा श्रेष्ठले भूकम्पपछि पुननिर्माण भएक यींग्छु भूकम्पस्थल र जिपिङ्गपुस्थित हाइड्रो जक्सन तथा दुजियाङ्गानस्थित सिंचाइ प्रणाली र ग्रामीण पुनरुत्थान परियोजनाको अवलोकन भ्रमण गर्नुहुनेछ ।
