एजेन्सी । छिमेकी राष्ट्र भारतको कोरोना हटस्पट बनेको राज्य महाराष्ट्रमा जारी लकडाउनलाई १५ दिन थप गरिएको छ ।
महाराष्ट्रमा कोरोना संक्रमण केही हदसम्म कम हुँदै आएपनि जोखिम अझै कायमै रहेको भन्दै राज्य सरकारले १५ जुनसम्म लकडाउन लम्ब्याएको हो । मुख्यमन्त्री उद्धव ठाकरेले आइतबार यसबारे जानकारी दिदै कोरोनाको तेस्रो लहर कहिले आउन सक्छ भन्ने यकिन नरहेकाले आफ्नो सुरक्षालाई कम नगनै आग्रह गरेका हुन् ।
उनका अनुसार राज्यको केही जिल्लाहरुमा कोरोना संक्रमण अझै उच्च रहेको छ । राज्यमा ३१ मेसम्म लकडाउन लगाइएको थियो ।
महाराष्ट्रमा आइतबार १८ हजार ६०० नयाँ संक्रमित फेला परेका थिए भने ४०२ संक्रमितले ज्यान गुमाएका थिए ।
