एजेन्सी । पोर्चुगिज स्टार फुटबलर क्रिस्टियानो रोनाल्डोको क्रेज विश्वभर रहेको छ । हालै भाइरल भइरहेको एक भिडियोमा रोनाल्डोलाई साउदी अरब सरकारले गोल्ड प्लेटेड मोटरसाइकल उपहार दिएको चर्चा चल्यो ।
यो मोटरसाइकल २२ क्यारेट सुनबाट बनेको दाबी गरिएको छ तर खेलाडी वा साउदी सरकारले भने यसको पुष्टि गरेको छैन । जानकारीका लागि क्रिस्टियानो रोनाल्डो अहिले साउदी अरेबियाको रियादको अल–नासर क्लबबाट साउदी प्रो लिग खेलिरहेका छन् ।
एक भिडियो ट्विटरमा शेयर गरिएको छ, जुन अहिले विभिन्न सामाजिक सञ्जालमा भाइरल भइरहेको छ । भिडियोमा सुनको चम्किलो मोटरसाइकल देखिन्छ, जसका धेरै भाग २२ क्यारेट सुनले बनेको दाबी गरिएको छ ।
यो सुन्दर मोटरसाइकलको चमक देखेर जो कोहीको आँखा चकित पर्न सक्छ । भिडियो शेयर गर्दै क्याप्सनमा लेखिएको छ, ‘फुटबलर रोनाल्डोलाई साउदी अरब सरकारले उपहार दिएको मोटरसाइकल ।’
यद्यपि, द क्वीन्टका अनुसार भने यो बाइक साउदी अरबका फैसल अबु सारा नामका व्यक्तिको रहेको बताइएको छ ।
Motor Bike gifted to foot baller RONALDO, BY the government of SAUDI ARABIA. pic.twitter.com/rFMNXbC9ht
— Hasna Zaroori Hai 🇮🇳 (@HasnaZarooriHai) May 21, 2023
