एजेन्सी । आजको समयमा, एक व्यक्तिको सरदर आयु ६० देखि ७० वर्ष हुन्छ । तर के तपाईलाई थाहा छ कि पाकिस्तानमा एक समुदाय छ जसका मानिसहरू १२० देखि १५० वर्षसम्म बाँच्छन् । ७० वर्षसम्म पनि जवान देखिने यिनीहरुलाई हुन्जा समुदायका रूपमा चिनिन्छन् । हुन्जा समुदायका महिलाले ६५ वर्षको उमेरमा पनि बच्चा जन्माउन सक्छन् ।
१५० वर्षसम्म बाँच्ने मानिसहरूमा सबैभन्दा ठूलो कुरा यो हो कि यी मानिसहरूलाई कुनै गम्भीर रोग लाग्दैन र वृद्धावस्थाले पनि सताउँदैन । यसका साथै यस समुदायका महिलाहरू धेरै सुन्दर पनि हुन्छन्, जो सामान्य मानिसको तुलनामा लामो समयसम्म जवान रहन्छन् ।
मिडिया रिपोर्टका अनुसार सन् १९८४ मा भएको घटनापछि सबैजना छक्क परेका थिए । वास्तवमा, लन्डनको हिथ्रो एयरपोर्टमा अब्दुल मोबात नामका यात्रुको सुरक्षा जाँचका क्रममा अधिकारीहरूले उनको जन्म सन् १८३२ मा भएको पत्ता लगाए । सुरुमा उनीहरूले यो गल्ती हो भन्ने सोचेका थिए, तर पूर्ण अनुसन्धानपछि अब्दुलको उमेर साँच्चै १५२ वर्ष भएको पत्ता लाग्यो । यो घटनाले सबैलाई चकित बनाएको थियो । अब्दुल पाकिस्तानको हुन्जा समुदायका थिए ।
यो समुदाय पाकिस्तानको काराकोरम पहाडी क्षेत्रको हुन्जा उपत्यकामा बसोबास गर्दछ, जसलाई हुन्जकुटा वा हुन्जा भनिन्छ । यिनीहरूको जनसंख्या एकदमै सानो छ, तर उनीहरूलाई सबैभन्दा लामो समय बाँच्ने र विश्वको सबैभन्दा स्वस्थ र खुसी समुदायको रूपमा पनि मानिन्छ । अहिलेसम्म यस समुदायका कसैलाई पनि क्यान्सर नभएको दाबी गरिएको छ ।
यी मानिसहरू आफ्नो खानपान र जीवनशैलीका कारण स्वस्थ रहन्छन् । यही कारण उनीहरुको आयु पनि लामो छ । ओखर र आलुबखेडाको अत्यधिक सेवनले क्यान्सरको जोखिमबाट बचाउँछ ।
हुन्जा समुदायका मानिसले वर्षमा २–३ महिना खाना नखाने गरेको बताइएको छ । यस क्रममा उनीहरुले जुस मात्र पिउने गर्छन् । तिनीहरूको जीवनशैलीमा लामो पैदल यात्रा र फलफूल, काँचो तरकारी, मेवा, दूध र अण्डाको आहार समावेश छ । यही कारणले गर्दा यी मानिसहरू ७० वर्षको उमेरमा पनि जवान देखिन्छन् र १५० वर्षसम्म बाँच्छन् ।
