काठमाडौँ । पूर्व प्रधानन्यायाधीश गोपाल पराजुलीले भारतको गोवर्धन पुरी पीठाधीश्वर जगद्गुरु शंकराचार्य स्वामी स्वामी अधोक्षजानन्द देवतीर्थ महाराजसँग भेट गर्नुभएको छ ।
पूर्वप्रधानन्यायाधीश पराजुली र पशुपति विकास कोषका सदस्य एवं संहिता शास्त्री अर्जुनप्रसाद बाँस्तोलासहित १० सदस्यीय उक्त टोलीले शंकराचार्यलाई पशुपतिनाथको चन्दन लगाइदिँदै रुद्राक्षको माला दिएको थियो ।
पूर्व प्रधानन्यायाधीश पराजुली र शंकाराचार्यबीच नेपाल–भारतको धार्मिक एवं सांस्कृतिक विषयमा चर्चा भएको पराजुलीले न्युजपोलारलाई बताउनुभयो ।
आफूले शंकराचार्यसँग नेपाल सैद्धान्तिकरुपले हिन्दू राष्ट्र भएको चर्चा गर्दै भारतलाई पनि हिन्दू राष्ट्र बनाउँदा विश्वमा सकारात्मक सन्देश जाने कुरा राखेको पूर्व प्रधानन्यायाधीश पराजुलीले जाकारी दिनुभयो ।
इसाई, मुसलमान, बौद्ध र यहुदीहरुको देश हुँदा भारत पनि हिन्दू राष्ट्र हुनुपर्ने आफूले सुझाव दिएको उहाँले बताउनुभयो ।
सो अवसरमा पराजुलीले शंकराचार्यलाई नेपाल आउन निमन्त्रणा दिनुभएको थियो ।
