काठमाडौं । एसीसी प्रिमियर कप अन्तर्गत बर्षाको कारणले रोकिएको सेमिफाइनल पुनः सुरु हुन लागेको छ ।
टियू मैदान आसपास क्षेत्रमा आकाश खुल्दै गएपछि खेललाई पुनः सुचारु गर्न लागेको हो ।
सेमिफाइनलअन्तर्गत जारी नेपाल र कुवेतको खेल बर्षा बाधक बनेपछि रोकिएको थियो ।तर, अहिले मैदान ढाकिएको कभर हटाउन थालिएको छ । मैदानमा घामको पुनः स्पर्श भएपछि समर्थकहरु उत्साहित बनेका छन् ।
नेपालका लागि कप्तान रोहित पौडेल र कुशल मल्ल क्रिजमा छन् ।रोहितले ४० बलमा २ चौकासहित ३० रन बनाएका छन् भने कुशलले ३० बलमा ४ चौका र १ छक्कासहित ३२ रन बनाएका छन् । चौथो विकेटका लागि कुशल मल्ल र रोहित पौडेलले ६१ रनको अविजित साझेदारी गरेका छन् ।
नेपालले २३.२ ओभरमा तीन विकेटको क्षतिमा १४१ रन बनाएको छ ।
