काठमाडौं । माध्यमिक शिक्षा परीक्षा अर्थात् (एसईई) का विद्यार्थीले यो वर्ष पुरक ग्रेडवृद्धि परीक्षा दिन नपाउने भएका छन् ।
कोरोना महामारीका कारण एसईईको नतिजा विद्यालयको आन्तरिक मूल्यांकनको आधारमा सार्वजनिक हुने भएपछि ग्रेडवृद्धि परीक्षा सञ्चालन नहुने भएको हो र
राष्ट्रिय परीक्षा बोर्डका अनुसार यो वर्ष नतिजा प्रकाशन पश्चात उत्तरपुस्तिका पुनर्योग गराउने, उत्तरपुस्तिका हेर्ने, उत्तरपुस्तिका पुनः परीक्षण गराउने र पुरक ग्रेडवृद्धि परीक्षा नहुने भएको छ ।
यसअघिबोर्डले परीक्षा सञ्चालन गरेका बेला विद्यार्थीले ग्रेडवृद्धि परीक्षाको अवसर पाउने गर्ने ।
एसईईको विद्यार्थी मूल्यांकन, नतिजा प्रकाशन तथा प्रमाणीकरण कार्यविधि २०७८ मा विद्यार्थीको अन्तिम मूल्यांकनका लागि विद्यालयले प्रधानाध्यापकको नेतृत्वमा अंग्रेजी, गणित र विज्ञान शिक्षक तथा वरिष्ठ शिक्षक सम्मिलित पाँच सदस्यीय मूल्यांकन समिति गठन गर्न सक्नेछन् ।
सैद्धान्तिकतर्फ कुनै पनि विषयमा ८० प्रतिशत भन्दाबढी अंक दिँदा सम्बन्धित विषयगत शिक्षकले कैफियत महलमा ठोस कारण खुलाउनुपर्नेछ ।
कोरोानाका कारण यो वर्ष पनि (लगातार दोस्रो वर्ष) एसईईको नतिजा विद्यालयको आन्तरिक मूल्यांकनबाट गर्न लागिएको हो ।
