एजेन्सी । शाहिद कपूर र विजय सेतुपति अभिनित वेब सिरिज ‘फर्जी’ले ओटीटीमा धमाका मचाएको छ । योसँगै फर्जी शुक्रबार ओटीटी प्लेटफर्ममा सबैभन्दा धेरै हेरिने वेब सिरिज बनेको छ ।
समीक्षकबाट मिश्रित प्रतिक्रिया आए पनि यो सिरिजको क्रेज फ्यानमा भने कायमै छ । यही कारणले गर्दा फेब्रुअरी १० देखि फर्जीले ३ करोड ७० लाखभन्दा बढी भ्युज पूरा गरिसकेको छ ।
ओरम्याक्स मिडियाले जारी गरेको सूची अनुसार शाहिद कपुरको फर्जी सबैभन्दा धेरै हेरिएको वेब सिरिजको सूचीमा शीर्ष स्थानमा छ । दोस्रो नम्बरमा अजय देवगनको वेब सिरिज रुद्र छ, जसको अहिलेसम्म ३५.२ मिलियन भ्युज छ ।
तेस्रो नम्बरमा पंकज त्रिपाठी र अली फजलको वेब सिरिज मिर्जापुर सिजन २ रहेको छ, जसको अहिलेसम्म ३२.५ मिलियन भ्युज छ । जो दर्शकहरूले वेब सिरिज फेरि हेरेका छन् उनीहरूलाई यसमा समावेश गरिएको छैन ।
