काठमाडौँ । प्रधानमन्त्री शेरबहादुर देउवाले मन्त्रिपरिषद बैठक बोलाउनुभएको छ । अमेरिकी सहयोग परियोजना एमसीसीलाई लिएर सत्ता साझेदारबीच असहमति भएकै बेला उहाँले मन्त्रिपरिषद्को बैठक बोलाउनुभएको हो । आज बिहीबार मन्त्रिपरिषद्को नियमित बैठक बस्ने गरेको छ ।
बैठक दिउँसो २ बजे बस्ने बताइएको छ । संसद्मा एमसीसी टेबल गर्ने विषयमा विवाद भएपछि सो बारेमा अधिकतम सहमति गर्न आज सत्ता साझेदारको बैठक बोलाइएको छ । प्रधानमन्त्री देउवाले एमसीसीलाई जसरी पनि संसद्मा टेबल गर्नुपर्ने अडानमा हुनुहुन्छ ।
तर सत्ता साझेदारको नेकपा माओवादी केन्द्रले यथास्थितिमा एमसीसी पारित गर्न नहुने भन्दै जबरजस्ती एमसीसी टेबल भए सत्ता गठबन्धनबाट बाहिरिने निर्णय गरेको छ । साथै उसले एमसीसीमा विपक्षमा मतदान गर्ने बताएको छ ।
