काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले सत्ता गठबन्धनलाई बचाउन लागिपरेको बताएका छन्। सिंहदरबारस्थित माओवादी केन्द्रको संसदीय दलको कार्यालयमा एकीकृत समाजवादीका अध्यक्ष माधवकुमार नेपाल र जनता समाजवादी पार्टीका नेता राजेन्द्र श्रेष्ठसँगको छलफलपछि बाहिरिने क्रममा सो कुरा बताएका हुन्।
उनले भने, ‘ ५ बजे सम्यन्त्रको मिटिङ छ, त्यही बैठकको तयारीको बारेमा छलफल भयो। हामी तीन दललाई एकमत बनाउने भनेर लागेका होइनौँ। पाँचै दललाई कसरी बचाउने र यो एमसीसीलाई कसरी निकास दिने भन्नेमै छौँ। आजको पाँच दलको बैठकमा छलफल गरेर एउटा निष्कर्षमा पुग्नेमा हामी केन्द्रित छौँ। जोड चाहिँ सकेसम्म यो गठबन्धन बचाउने मै छ।'
