काठमाडौं । प्रधानमन्त्री पुष्पकमल दाहाल प्रचण्ड र नेकपा एमालेका अध्यक्ष केपी शर्मा ओलीबिच भेटवार्ता भएको छ । प्रधानमन्त्रीको सरकारी निवास बालुवाटारमा दुई शीर्ष नेताबिच आज मंगलबार भेट भएको हो ।
पछिल्लो समय ओली र प्रचण्डबीच तीव्र भेट र छलफल भइरहेको छ । भेटका क्रममा सरकारलाई पूर्णता दिने, राष्ट्रपति निर्वाचन लगायतका विषयमा छलफल भएको बताइएको छ ।
प्रधानमन्त्री प्रचण्डले यही पुस २६ गते विश्वासको मत लिँदै हुनुहुन्छ । ओली र प्रचण्डबीच यस विषयमा पनि छलफल भइरहेको छ ।
