काठमाडौँ । प्रधानमन्त्री पुष्पकमल दाहाल प्रचण्डले पुस २६ गते प्रतिनिधिसभामा विश्वासको मत लिनुहुने भएको छ । २५ गते प्रतिनिधिसभाको पहिलो बैठक बस्ने तय भइसकेको छ ।
प्रधानमन्त्री दाहालले संसद्का महासचिवलाई सम्बोधन गर्दै विश्वासको मत लिने प्रयोजनका लागि व्यवस्था मिलाइदिन अनुरोध गर्नुभएको हो ।
प्रधानमन्त्री दाहालले २६ गतेको बैठकमा विश्वासको मत लिने कार्यसूची राखिदिन महासचिवलाई आग्रह गर्नुभएको छ । उहाँ पुस १० गते प्रधानमन्त्रीमा नियुक्त हुनुभएको हो । उहाँले पुस ११ गते प्रधानमन्त्रीको पद तथा गोपनियताको सपथ लिनुभएको थियो ।
