काठमाडौं । राजधानीमा जारी रहेको नेपाल टी–२० लिगमा पोखरा एभेन्जर्सले काठमाडौं नाइृट्सलाई ५ विकेटले पराजितगरेको छ ।
त्रिवि क्रिकेट मैदानमा भएको खेलमा काठमाडौंले दिएको १ सय ६५ रनको लक्ष्य पोखराले १९.४ ओभरमा ५ विकेट गुमाएर पुरा गर्यो ।
पोखराको जितको लागि सुमित महर्जनले उत्कृष्ट इनिङ खेले । महर्जनले ७ चौका र ३ छक्काको सहयोगमा ७६ रन बनाएका थिए । यस्तै उपुल थरंगाले पनि अर्धशतक खेले । थरंगाले ५८ रन बनाए। कुशल मल्ल भने १४ रनमा अविजित रहे ।
काठमाडौंका लागि कमल सिंह ऐरीले ३ विकेट लिए भने अबिनाश बोहोरा र अनिल खरेलले समान १/१ विकेट लिए ।
त्यसअघि पहिले ब्याटिङ गरेको काठमाडौंले २० ओभरमा ४ विकेट गुमाएर १ सय ६४ रन बनाएको थियो। काठमाडौंका लागि एलेक्स ब्लेकले २८ बलमा ६४ रनको अर्धशतकीय ईनिङ खेले । उनले २३ बलमा ३ चौका र ७ छक्का प्रहार गरे । यस्तै सुनाम गौतमले ४५ र विरनदिप सिंहले ३२ रन बनाए ।
पोखराका लागि तुलबहादर थापाले २ विकेट लिए भने प्रतिस जिशि र कुशल मल्लले समान १/१ विकेट लिए ।
यस प्रतियोगिताको फाईनल खेल २७ गते हुनेछ । यस लिगमा काठमाडौं नाइट,पोखरा एभेन्जर्स,फार वेस्ट युनाईटेड,जनकपुर रोयल्स,विराटनगर सुपर किंग्स र लुम्बिनी अल स्टार रहेका छन् ।
