काठमाडौं । पाँच दलीय सत्ता गठबन्धन टुटेपछि बनेको अर्को पाँच दलीय गठबन्धनले आजै सरकारको नेतृत्व दावी गर्ने तयारी गरेको छ ।
सत्ता गठबन्धनको बैठकमा नेपाली कांग्रेसले प्रधानमन्त्री र राष्ट्रपति पद दुवै नछाड्ने अडान लिएपछि नेकपा (माओवादी केन्द्र) का अध्यक्ष पुष्पकमल दाहाल प्रचण्ड सत्ता गठबन्धनबाट बाहिरिँदै सोझै नेकपा (एमाले) का अध्यक्ष केपी शर्मा ओलीलाई भेट्न बालकोट पुग्नुभएको छ ।
बालकोटमा अहिले एमालेसहित माओवादी केन्द्र, राष्ट्रिय स्वतन्त्र पार्टी ९रास्वपा०, राष्ट्रिय प्रजातन्त्र पार्टी (राप्रपा) र जनता समाजवादी पार्टी ९जसपा० का शीर्ष नेताहरुबीच सरकारको नेतृत्व दावी गर्नेबारे छलफल भइरहेको छ ।
एमाले र माओवादी केन्द्रले आज बिहानेदेखि सत्ता समीकरणका लागि माओवादी पार्टी केन्द्रीय कार्यालय पेरिसडाँडामा आन्तरिक तयारी गरेका थिए । पेरिसडाँडामा माओवादी नेताहरू वर्षमान पुन, देवेन्द्र पौडेललगायतका नेताहरू र एमालेबाट उपाध्यक्ष विष्णु पौडेलसहितका नेताहरू आन्तरिक तयारीमा जुटेका थिए ।
राष्ट्रपति विद्यादेवी भण्डारीले सरकार गठनका लागि बहुमतसहित आज साँझ ५ बजेसम्मका लागि समयसीमा तोक्दै आह्वान गरिसक्नुभएको छ । बालकोट बैठकले आजै ४ बजे सरकारको नेतृत्वसहित जाने तयारी गरेको छ ।
संसद्मा एमालेको ७८, माओवादी केन्द्रको ३२, रास्वपाको २०, राप्रपाको १४ र जसपाको १२ सिट रहेको छ । प्रतिनिधिसभामा कुल २७५ सिटमध्ये पाँच दलको १५६ सिट पुग्छ । यो बहुमतको सरकार ९१३८ सिट आवश्यक० बनाउन पर्याप्त सिट संख्या हो ।
