काठमाडाैंः नेपालका लागि आवासीय कुनै विदेशी मुलुकको राजदूत साइकल चढेर दक्षिण एसियाली मुलुकको कुनै देशतर्फ गएको यहाँलाई थाहा छ ?
तर यसपटक यस्तै अनौठो घटना भएको छ । नेपालका लागि जर्मनीका राजदूत डा थोमस प्रिन्ज अहिले साइकल चढेर नेपालका पहाडी, मैदानी भाग छिचोल्दै भारतको बाटो भएर बंगलादेशको राजधानी ढाकातर्फको यात्रामा हुनुहुन्छ ।
उहाँ आगमी डिसेम्बर २५ मा मनाइने इसाईहरुको चाड क्रिसमस ढाकामा मनाउने सोचमा हुनुहुन्छ ।
उहाँले सामाजिक संजाल ट्वीटरमा आफूले यसपटक ८५० किलोमिटर साइकल यात्रा गर्ने र क्रिसमससम्ममा ढाका पुग्ने सोचाई बनाउनु भएको उल्लेख छ ।
आज सोमबार पहिलो दिन उहाँले ७६ किलोमिटर यात्रा गरेर हेटौंडा पुगेको विवरण पनि ट्वीटरमा लेख्नु भएको छ । पहिलो दिन निकै उबडखाबड तर मनोरम दृश्यबाट आफू अति प्रसन्न भएको र बाटोको थकाई सबै बिर्सिएको पनि उहाँले बताउनु भएको छ ।
It was a great first day on tour! I have reached Hetauda after 76 km of rough terrain cycling 🚴. Some impressions 📷of the absolutely stunning landscape of 🇳🇵#KtmToDhaka #BikeTrip pic.twitter.com/deq6iN0A2n
— Dr. Thomas Prinz (@GerAmbKTM) December 12, 2022
तस्वीरहरूः जर्मन राजदूतको ट्वीटरबाट
