काठमाडौं । ललितपुरस्थित पुल्चोक क्याम्पसको खेल मैदानमा त्रिभुवन विश्वविद्यालय (त्रिवि) को ४८औँ दीक्षान्त समारोह सम्पन्न भएको छ ।
समारोहमा त्रिविका कुलपति एवं प्रधानमन्त्री शेरबहादुर देउवा सहभागी हुनुभएको छ । दीक्षान्त समारोहमा १० हजार तीन सय ९२ विद्यार्थी दीक्षित भएका छन् । २०७८ असार १ गतेदेखि २०७९ जेठ मसान्तभित्रसम्म ट्रान्सक्रिप्ट लिएका विद्यार्थीले दीक्षान्त समारोहमा भाग लिएका थिए ।
उक्त समयावधिमा ७० हजार विद्यार्थीले ट्रान्सक्रिप्ट लिए पनि सहभागीका लागि १० हजार तीन सय ९२ जनाले मात्र आवेदन दिएका थिए ।
समारोहमा छात्रले आफूखुसी पोसाकमा कोट, पाइन्ट, टाई र भादगाउँले टोपीसहित त्रिविले उपलब्ध गराएको गाउन÷स्कार्फ टोपी तथा छात्राले औपचारिक पोसाक वा साडी, ब्लाउज र त्रिविले उपलब्ध गराएको गाउन÷स्कार्फ टोपी लगाएका थिए ।
त्रिविले हरेक वर्ष दीक्षान्त समारोह गर्दै आइरहेको छ । तस्बिर: रोशन सापकोटा-रासस
