काठमाडौँ । कतारमा जारी फिफा विश्वकप फुटबलको समूह ‘ई’ अन्तर्गतको खेलमा कोस्टारिकाले पहिलो जित निकालेको छ ।
अहमद बिन अली स्टेडियममा भर्खरै सम्पन्न खेलमा कोस्टारिकाले जापानलाई १–० गोल अन्तरले पराजित गरेको हो ।
कोस्टारिकाको जितमा खेलको ८१ औं मिनेटमा किशेर फुलेरले गरेको गोल नै निर्णायक बन्यो । जापानका डिफेन्डरले गरेको गल्तीलाई उनले सदुपयोग गर्दै सानदार गोल गरे ।
जितसँगै कोस्टारिकाले महत्वपूर्ण ३ अंक जोडेको छ । एक खेलमा ३ अंकसहित स्पेन शीर्षस्थानमा रहँदा समान अंकसहित जापान दोस्रो र कोस्टारिका तेस्रो स्थानमा रहेको छ ।
यस्तै, अंकबिहिन जर्मनी तालिकाको पुछारमा रहेको छ । आज नै मध्यरातमा जर्मनी र स्पेनबीच प्रतिस्पर्धा हुँदैछ । उक्त खेल ००ः४५ बजे सुरु हुनेछ ।
