काठमाडौँ । कतारमा जारी फिफा विश्वकप फुटबलले यतिबेला चर्चा कमाइरहेको छ । नेपालमा पनि लाखौं दर्शकहरुले खेलको मजा लिइरहेका छन् ।
यसैबीच, मिडिया हबले मोबाइलमा समेत फिफा विश्वकप फुटबल हेर्न सकिने व्यवस्था मिलाउने भएको छ । विश्वकप फुटबल हेर्न सकिने ‘पाइरेटेड’ वेबसाइट तथा एपमाथि प्रतिबन्ध लगाउने निर्णय भएसँगै नेपालका लागि त्यसको प्रसारण अधिकार लिएको कम्पनीले यस्तो व्यवस्था मिलाउन लागेको हो ।
कम्पनीका सञ्चालक सोम धितालका अनुसार मोबाइल तथा कम्प्युटरमा समेत फुटबल विश्वकपको लाइभ हेर्न पाउनु पर्ने दर्शकको माग जायज रहेकाले त्यसका लागि आवश्यक व्यवस्था मिलाउन लागिएको हो ।
यद्यपि, मोबाइल एपमा समेत विश्वकप फुटबल हेर्न निश्चित शुल्क तिर्नुपर्ने उनको भनाई छ । विश्वकप अन्तर्गत समूह चरणको पहिलो राउण्डका खेल सम्पन्न भएर दोस्रो चरणका खेल सुरु भइसकेका छन् । नेटटिभीको ओटीटी एपमार्फत विश्वकप फुटबलको लाइभ हेर्न सकिने गरी काम गरिरहेको धिताल बताउँछन् ।
