काठमाडौं । नेपालसँगको मैत्रीपूर्ण खेलका लागि पाकिस्तानको राष्ट्रिय फुटबल टिम नेपाल आईपुगेका छन् ।
दशरथ रंगशालामा हुने मैत्रीपूर्ण खेलका लागि पाकिस्तानी टोली आइतबार राति नेपाल आईपुगेको हो ।
नेपालले रोहित चन्दको कप्तानीमा टिम घोषणा गरिसकेको छ । राष्ट्रिय टोलिका कप्तान तथा गोलकिपर किरण चेम्जोङ भने खेलबाट बाहिर रहनेछन् । पाकिस्तानले पनि हसन बसिरको कप्तानीमा टोली घोषणा गरेको छ ।
नेपाल र पाकिस्तानबीच फिफा डे अन्तर्गत हुने मैत्रीपूर्ण खेल कात्तिक ३० गते दशरथ रंगशालामा हुनेछ ।
साँझ ५ः०० बजे सुरु हुने उक्त खेललाई एन्फाले सामान्य प्यारापिटतर्फ ५ सय र भिआइपीतर्फ १ हजारको टिकट दर निर्धारण गरिएको जनाएको छ ।
यस्तै, एन्फाका अनुसार टिकट काटेर हेर्ने एक भाग्यशाली दर्शकले कतारमा आयोजना हुने फिफा विश्वकप अन्तर्गत ब्राजिल र क्यामरुनबीचको खेलको टिकट प्राप्त गर्नेछन् । विजेता गोलापर्थाद्वारा छनोट गरिने एन्फाले जनाएको छ ।
