काठमाडौं । नेपाली कांग्रेसको रामचन्द्र पौडेल पक्षका नेताहरु आज पनि छलफलमा जुटेका छन् । नेता प्रकाशमान सिंहको निवासमा जारी छलफलमा आगामी १४ औं महाधिवेशन र क्रियाशील सदस्यताको विवाद सम्बन्धबारे छलफल भईरहेको जनाएको छ ।
छलफलमा वरिष्ठ नेता पौडेलसहित, महामन्त्री शशांक कोइराला, बलबहादुर केसी, अर्जुननरसिंह केसी र डा. मिनेन्द्र रिजाल सहभागी छन् ।
क्रियाशील सदस्यताको विवाद समाधान हुन नसक्दा महाधिवेशनको कार्यतालिका प्रभावित भएको छ । नेपाली कांग्रेसको आगामी भदौ १६ गते १४ औं महाधिवेशनको कार्यतालिका रहेको छ ।
