काठमाडौं । एमालेका वरिष्ठ नेता माधव नेपाल पक्षले बोलाएको आजको केन्द्रीय कमिटी बैठकमा पार्टी सचिव योगेश भट्टराई र स्थायी कमिटी सदस्य सुरेन्द्र पाण्डे नै अनुपस्थित भएका छन्। बैठकमा अनुपस्थित हुनुको कारण भट्टराईले आफ्नी आमालाई कोभिड संक्रमण भएको र पाण्डेले सवारी चालक बिरामी भएकाले बताएका छन् ।
पाण्डले चालकमा स्वास्थ्य समस्या देखिएको कारण कोरोना परीक्षण गर्न गएकोले आफू बैठकमा उपस्थित हुन नसकेको जानकारी दिएका छन्।
बुद्धनगरमा रहेको एक पार्टी प्यालेसमा बसिरहेको बैठकमा नेपाल पक्षका ७० केन्द्रीय सदस्यहरुको सहभागीता रहेको छ । एमालेनै फर्कने कि नयाँ बाटो तय गर्ने भन्ने बारेमा केन्द्रीय सदस्यहरुको राय लिन बैठक बोलाईएको एक नेताले जानकारी दिएका छन् ।
