सल्यान । सल्यानमा अरिँगालको टोकाइबाट आमाछोरीको मृत्यु भएको छ ।
सोमबार दिउँसो खेतमा धान काटी घर फर्किने क्रममा अरिँगालले टोकेर आमाछोरीको मृत्यु भएको हो । मृत्यु हुनेमा सिद्धकुमाख गाउँपालिका-१ पटारे हामपाल निवासी २१ वर्षीया शोभा बस्नेत र ४ वर्षीया छोरी प्राप्ति बस्नेत रहेका छन् ।
जिल्ला प्रहरी कार्यालय सल्यानको अनुसार अरिँगालले टोकेपछि उपचारका लागि जिल्ला अस्पताल सल्यान र श्रीनगरस्थिति परोपकार अस्पतालमा लगिएको थियो । तर थप उपचारका लागि कोहलपुर लैजाने क्रममा आमाछोरीको बाटोमै मृत्यु भएको प्रहरीले बताएको छ ।
अरिँगालकै टोकाइबाट घाइते भएका शोभाका अंकलको उपचार भइरहेको छ ।
