कालिकोट । कालिकोटको तिलागुफा–४ राँचुलीमा मलामी गएका १३ जना पहिरोमा परि बेपत्ता भएका छन् ।
आइतबार तिला नदी किनारमा लास जलाउँदा जलाउँदै गएको पहिरोमा परि १३ जना बेपत्ता भएको जिल्ला प्रशासन कार्यालयले जनाएको छ ।
मौसम सुधार भएपछि हेलिकोप्टरबाट उद्धार गर्ने तयारी गरिएको प्रहरीले जनाएको छ ।
गाउँका अन्य घरहरु पनि पहिरोको जोखिममा रहेका छन् । पहिरोको जोखिममा परेकाले स्थानीयवासी नजिकैको स्कुलमा आश्रय लिएर बसेको प्रहरीले बताएको छ ।
