रूपन्देही । नेपाल कम्युनिष्ट पार्टी (एकीकृत समाजवादींका केन्द्रीय सदस्य मेटमणी चौधरीले एमालेका नेता शंकर पोखरेलले एक हजार मत पनि नपाउने बताएका छन् । नेता चौधरीले पार्टीको दाङ निर्वाचन क्षेत्र नं. १ को आयोजनामा भएको भेलामा यस्तो बताएका हुन् ।
‘यदि शंकर पोखरेल देउखुरी चुनाब लड्न आए भने म चुनाबमा लाग्ने सम्पूर्ण खर्च व्यहोर्छु’,उनले भने‘ यो क्षेत्रमा आए भने हामी एक हजार पनि भोट कटाउन सक्दैनन् ।’
यस्तै प्रतिनिधिसभा सदस्य समेत रहेका चौधरीले भूमिहिनलाई निःशुल्क जग्गा दिने सरकारको नीति भएको र १० बर्ष अघि देखि यो कार्य जारी रहेको भन्दै भूमिहिनहरुले जग्गा पाउने कुरामा ढुक्क हुन समेत आग्रह गरेका छन् ।
उनले यसअघिको आयोगमा देशैभर ज्वाई, साशुहरुलाई भर्ना गर्ने काम भएको समेत बताए । ‘देशै भर आयोगमा ज्वाई, साशुहरुलाई भर्ना गर्ने काम भयो’, उनले भने‘ जग्गा दिन्छौं भनेर धेरै ठाउँका सुकुम्वासीहरुबाट पैसा असूली गरेको भन्ने गुनासो पनि आएका छन् ।’
नेकपा (एकीकृत समाजवादी) को भविष्य उज्ज्वल रहेको समेत उनले बताए । ‘हामीसंग माधव नेपाल, झलनाथ खनाल र बामदेव कमरेड पनि हुनुहुन्छ’,उनले भने‘ चार नेता मध्ये उता तिर केपी ओली मात्रै हो, हाम्रो भविष्य उज्ज्वल छ ।’
