काठमाडौं । काठमाडौं महागरपालिकाका मेयर बालेन साह नक्सा र डोजर सहित वुद्धनगरको अल्फा बिटा कम्प्लेक्स पुग्नुभएको छ । अनधिकृत संरचनाहरु हटाउने क्रममा मेयर साह वुद्धनगरको अल्फा बिटा कम्प्लेक्समा पुग्नु भएको थियो ।
अनधिकृत संरचनाहरु हटाउने अभियानमा हिडेका साहले घरको नक्सा माग्दा उपस्थित अल्फाबिटाका प्रतिनिधिले उल्टै मेयरसँग नक्सा मागेका थिए । नक्सा मागेपछि मेयर बालेनले प्रश्न गरेका थिए, तपाईँको घरको नक्सा मसित हुनुपर्छ कि तपाइँसित ? त्यस्तै, अल्फाबिटाका प्रतिनिधिले पनि नगरपालिकामा के हुन्छ त ? भनेर मेयरलाई प्रतिप्रश्न गरे ।
तत्कालै बालेनले पत्रिकामा निकालेको ३५ दिने सूचना देखाए । अनि जंगिदै बोले ‘यहाँ यत्रो नोटिस दिएको छ, यो के हो ? ३५ दिनभित्र खाली गर भनेर नोटिस दिएको छैन ? तपाईँको घरको नक्सा मसँग हुन्छ कि तपाईसँग ?’
केही आक्रोशित देखिएका बालेन त्यहाँबाट सिधै महानगरपालिका कार्यलयको नक्सा फाँटमा पुगे र अल्फाबिटा भबनको नक्सा लिएर डोजरसहित अल्फाबिटा भवनमा पुगे । सोही स्थानमा पुगेका नक्सा पास बिना बनाएका संरचना भत्काएई दिए ।
अल्फाबिटाले भवनको अगाडिको भागमा सटर निकालेर फर्मेसी सञ्चालन गर्न दिएको छ तर पार्किङ भने सडक पेटीमा हुने गरेको छ ।
त्यसपछि बालेनले ट्वीट गरेका छन् उहाँले आफ्नै नक्सा मलाई माग्नुभयो, मैले अफिस गएर नक्सा र डोजर लिएर आएँ मैले के बिराएँ ?
