काठमाडौं । वरिष्ठ पत्रकार देवप्रकाश त्रिपाठीको नेतृत्वमा एकीकृत शक्ति, नेपाल घोषणा गरिएको छ । सोमबार विशेष समारोमा त्रिपाठी नेतृत्वमा बुद्धिजीवीहरूले नयाँ पार्टीको घोषणा गरेका हुन् ।
राजसंस्थासहित हिन्दू धर्म सापेक्ष राष्ट्र निर्माण र मौलिक नीति निर्माण लक्ष्यसहित नेपालमा नयाँ पार्टी निर्माण गरेका हुन् ।
हालका दल तथा नेताहरूको कार्यशैलीबाट राष्ट्रियता कमजोर हुँदै गएको, सार्वभौमसत्ता तथा राष्ट्रिय अखण्डता कमजोर हुँदै गएको भन्दै उनीहरूले पृथ्वीपथ (राष्ट्र निर्माता पृथ्वीनारायण शाहको दर्शनमा आधारित)मा रहेर पार्टी गठन कार्यक्रममा विभिन्न शक्तिपिठहरुबाट ल्याइएको माटो र जल मिश्रण गरी टीका लगाई कार्यक्रमको शुभारम्भ गरिएको थियो । कार्यक्रममै केन्द्रीय कार्यसमितिको समेत घोषणा गरिएको थियो ।
नयाँ पार्टीको उपाध्यक्षमा डा. रामप्रसाद उप्रेती, उपाध्यक्षमा इन्द्र तामाङ, उज्वल कर्माचार्य, शम्भुमान सिंह, महासचिवमा विपी तिम्सिना, कानुन विभाग प्रमुख सुवास आचार्य, सचिव दुर्गाविक्रम थापा, पदम पाण्डे, लोकबहादुर मोक्तान र उपत्यका समन्वय प्रमुखमा जुलुमरत्न शाक्य छन् ।
त्यस्तै सदस्यहरुमा निखिल उप्रेती, डा. मनोहरलाल श्रेष्ठ, अक्षता प्रधान, भोजराज अधिकारी, लेखनाथ आचार्य, प्रदीप गुरागाईं, महेन्द्रमान व्यथित, बसुन्धरा रिजाल, भिक्षू आनन्द, रेणु तिम्सिना, गोमा तामाङ, पुष्पा बराल, दीपक सिंह महर्जन, विश्वराज दर्जी, नविन रिसाल, सिताराम अधिकारी भरत कोइराला, सत्यराम यादव, मुकुन्द झा, नविना थारु, राजेन्द्र रानामगर, माधव भण्डारी, पदम दोङ लामा र सिर्जना पौडेल छन् ।
कार्यक्रम समापनपछि भद्रकाली मन्दिर परिसरमा कार्यसमितिका पदाधिकारी तथा सदस्यहरुले एक–एक थोपा रगत चढाई, अब राष्ट्रको नाममा आफ्नो जीवन समर्पण गर्ने कसम आएका थिए । कार्यक्रममा विभिन्न जात जाति र धर्म संस्कृति झल्किने गरी राष्ट्रिय भावनाको साङ्गीतिक प्रस्तुती पनि दिइएको थियो ।