काठमाडौँ । आगामी मंसिर ४ गते हुने प्रतिनिधिसभा र प्रदेशसभाको निर्वाचनाका लागि चुनावी सिट बाँडफाँटका लागि सत्ता गठबन्धनले ११ सदस्यीय कार्यदल गठन गरेको छ । कार्यदलमा नेपाली कांग्रेसबाट तीन जना सदस्य रहने छन्भने अन्य दलबाट दुई/दुई जना सदस्य रहनेछन् ।
नेपाली कांग्रेसबाट कार्यदलमा कांग्रेस महामन्त्री गगन थापा, केन्द्रीय सदस्य कृष्ण सिटौला र सञ्चार तथा सूचना प्रविधिमन्त्री ज्ञानेन्द्रबहादुर कार्की रहनेछन । त्यस्तै नेकपा (माओवादी केन्द्र) बाट वर्षमान पुन र जनार्दन शर्मा, नेकपा (एकीकृत समाजवादी) बाट महासचिव बेदुराम भुसाल र प्रमेश हमाल कार्यदलको सदस्य रहेनछन् ।
जनता समाजवादी पार्टी (जसपा) बाट रामसहायप्रसाद यादव र रकम चेम्जोङ तथा राष्ट्रिय जनामोर्चाबाट हिमलाल पुरी र आनन्द शर्मा कार्यदलको सदस्य रहनेछन् ।
कार्यदलले यही साउन मसान्तभित्र सबै निर्वाचन क्षेत्रको तथ्य आकलन गरी सिट बाँडफाँटको मोडालिटीसहितको सुझाव प्रस्तुत गर्ने बताइएको छ ।
