काठमाडौं । प्रमुख प्रतिपक्ष दल नेकपा एमालेका उपाध्यक्ष विष्णु पौडेलले अहिलेको गठबन्धन सरकार विदेशीले चलाएको आरोप लगाउनु भएको छ ।
प्रेस चौतारी सिन्धुलीद्वारा आयोजित पत्रकार भेटघाटमा बोल्दै उपाध्यक्ष पौडेलले यस्तो आरोप लगाउनु भएको हो ।
गठबन्धन सरकारले संसदबाट पारित गरेको नागरिकता विधेयक विदेशीको इशारामा ल्याएको र यो सरकार विदेशीको कठपुतली भएको उहाँको दाबी छ ।
यस्तै पूर्वअर्थमन्त्री समेत रहनुभएका पौडेलले सरकारले ल्याएको बजेट र नागरिकता विधेयकले सरकार विदेशीको इशारामा चलेको प्रस्ट भएको बताउनुभयो ।
बजेट वक्तव्यमा देखिएको तमासाले आम नागरिकमा सरकारको गोपनियता र विश्वास गुम्दै गएको बताउँदै तोकिएको समयमा संघ तथा प्रदेशको निर्वाचन नगराउने षडयन्त्र भइरहेको आरोप समेत लगाउनुभयो ।
