काठमाडौं । हाँस्य रियालिटी शो 'कमेडी च्याम्पियन' सिजन २ ले आज विजेता पाउँदैछ ।
आज राति ९ बजे उक्त रियालिटी सो कान्तिपुर टेलिभिजनमा प्रत्यक्ष प्रसारण हुँदैछ ।
प्रतिस्पर्धी भरतमणि पौडेल, विक्की अग्रवाल र सन्तोष थापामध्ये एक जना आज कमेडि च्याम्पियन बन्नेछन् ।
पहिलो विजेताले २५ लाख रूपैयाँ र कार पाउने छन् भने दोस्रोले मोटरसाइकल र तेस्रोले स्कुटर पाउने छन् ।
भरतमणि शोमा बिभिन्न उत्कृष्ट प्रस्तुति दिँदै ‘पफर्मर अफ द राउण्ड’ मार्फत फाइनलमा पुगेका हुन्, भने विक्की र सन्तोष प्रस्तुति र दर्शकको भोटिङले फाइनलसम्मको यात्रा गरेका हुन् ।
भरतमणि ताप्लेजुङका हुन् भने सन्तोष गोर्खाबाट र विक्की सिक्किमबाट सहभागी भएका हुन् ।