काठमाडौँ । प्रतिनिधिसभाको बिहीबार बस्ने बैठकमा आर्थिक वर्ष २०७९/०८० को नेपाल सरकारको वार्षिक नीति तथा कार्यक्रममाथि छलफल हुने भएको छ ।
संघीय संसद्ले भोलि बिहीबार बस्ने प्रतिनिधिसभाको बैठकका लागि सूचित गरेको सम्भावित कार्यसूचीअनुसार प्रधानमन्त्री शेरबहादुर देउवाले यही जेठ १० गते राष्ट्रपति विद्यादेवी भण्डारीले संघीय संसद्को दुवै सदनको संयुक्त बैठकमा गर्नुभएको सम्बोधनमा आव २०७९/०८० को नेपाल सरकारको वार्षिक नीति तथा कार्यक्रममाथिको छलफल प्रारम्भ गरियोस् भन्ने प्रस्ताव गर्नुहुनेछ ।
त्यसपछि सो प्रस्तावमाथि सांसदहरुबाट संशोधनहरु प्रस्तुत हुने सम्बोधनमाथि छलफल हुने कार्यक्रम छ ।
