काठमाडौँ । प्रतिनिधिसभाको बैठकमा सांसद खुश्बु ओलीले आफूलाई ज्यान मार्ने धम्की आएको विषय उठाएपछि नवनियुक्त गृहमन्त्री सुदन गुरुङले घटनाबारे आवश्यक अनुसन्धान गरी कानुनी कारबाही प्रक्रिया अघि बढाइने आश्वासन दिएका छन्। बैठकपछि गृहमन्त्री गुरुङले सांसद ओलीलाई भेटेर धम्की सम्बन्धी विषयलाई गम्भीरतापूर्वक लिइएको बताउँदै आवश्यक कानुनी प्रक्रिया अगाडि बढाइने जानकारी दिएका हुन्।