काठमाडौं । मेडिकल व्यवसायी दुर्गा प्रसाईंलाई त्रिभुवन अन्तर्राष्ट्रिय विमानस्थलमा पत्रकार सम्मेलन गर्ने तयारी गरिरहेका बेला प्रहरीले नियन्त्रणमा लिएको छ। प्रहरीका अनुसार झापाबाट काठमाडौं आएका प्रसाईंले विमानस्थल परिसरमै पत्रकार सम्मेलन गर्ने तयारी गरेका थिए। उक्त जानकारी प्राप्त भएपछि प्रहरी टोलीले विमानस्थलको निषेधित क्षेत्रमा कार्यक्रम गर्न नमिल्ने भन्दै उनलाई नियन्त्रणमा लिएको थियो।