काठमाडौँ । प्रधानमन्त्री शेरबहादुर देउवाका भाइ प्रेमबहादुर देउवाको निधन भएको छ । गए राति काठमाडौँमा उपचारका क्रममा ६७ वर्षीय प्रेमबहादुरको निधन भएको हो ।
उहाँका श्रीमती, दुई छोरा र दुई छोरी छन् । स्वर्गीय प्रेमबहादुरको आजै पशुपति आर्यघाटमा अन्त्येष्टि गरिएको छ ।
नेपाली कांग्रेसका सभापति एवं प्रधानमन्त्री देउवा र पार्टीका उपसभापति पूर्णबहादुर खड्काले उहाँको पार्थिव शरीरमा नेपाली कांग्रेसको झन्डा ओढाएर अन्तिम श्रद्धाञ्जलि व्यक्त गर्नुभएको थियो ।
सामाजिक व्यक्तित्वका रुपमा परिचित प्रेमबहादुरको निधनमा नेपाली कांग्रेसले दुःख व्यक्त गरेको छ ।
