काठमाडौं । चर्चित ब्यान्ड मंगोलियन हार्टका लिड भोकलिस्ट गायक राजु लामाले सफलतापूर्वक सगरमाथा आरोहण गरेका छन् । गायक राजु लामासहितको २७ जनाको टोली सफलतापूर्वक सगरमाथाको चुचुरोमा पुगेका थिए । उनीहरु बिहान ६ बजेर ४० मिनेट जाँदा चुचुरोमा पुगेका हुन् ।
लामाले ८८४८.८६ मिटर अग्लो सगरमाथा सफलतापूर्वक चढेको इम्याजिन नेपाल एक्सपिडिसनले जनाएको हो ।
कार्बन उत्सर्जन घटाउनु, पर्यटन प्रवद्र्ध्न गर्न र सङ्गीत तथा हिमालको नातालाई गाढा बनाउन आफुले सगरमाथा आरोहण गर्न लागेको, र विश्वको सबैभन्दा उच्चस्थानमा कन्सर्ट गरेर कीर्तिमान राख्ने योजनासहित गायक लामा सगरमाथा आरोहणमा निस्किएका थिए ।
जसअनुरुप गायक लामाले ६,५७४ मिटर उचाइको क्याम्प ३ मा कन्सर्ट समेत गरेर कीर्तिमान राखिसकेका छन् ।
