काठमाडौं । स्थानीय तह निर्वाचनको मतपरिणाम सार्वजनिक हुने क्रम जारी छ । हाल सम्म ९ वटा पालिकाको नतिजा सार्वजनिक भएको छ ।
सार्वजनिक नतिजा अनुसार अध्यक्षमा एमाले मुस्ताङको लोघेकर दामोदरकुण्ड गाउँपालिका , मनाङको चामे गाउँपालिका ,मुस्ताङको लो–घेकर दामोदरकुण्ड र डोल्पाको शे फोक्सुन्डो गाउँपालिका (निर्विरोध) मा बिजयी भएको छ ।
यसै गरी नेपाली कांग्रेसले मुस्ताङको घरपझोङ गाउँपालिका मनाङको नार्पाभूमि गाउँपालिकामा र मनाङको नासो गाउँपालिका बिजयी भएको छ ।
नेकपा एकीकृत समाजवादी डोल्पाको काइके गाउँपालिका (निर्विरोध) डोल्पाको छार्का साङतोङ गाउँपालिका (निर्विरोध) निर्वाचित भएको छ ।
| क्रसं | विजयी | पार्टी | पालिका | मुख्य प्रतिस्पर्धी |
| १ | मोहनसिं लालचन | कांग्रेस | घरपझोङ गाउँपालिका, मुस्ताङ | सञ्जयकुमार थकाली (एमाले) |
| २ | लोप्साङ छोम्पेल विष्ट | एमाले | लोघेकर दामोदरकुण्ड गाउँपालिका, मुस्ताङ | देवबहादुर गुरुङ (नेकपा एस) |
| ३ | कोन्जो तेन्जिङ लामा | कांग्रेस | नार्पाभूमि गाउँपालिका, मनाङ | कृष्णबहादुर लामा (स्वतन्त्र) |
| ४ | लोकेन्द्रबहादुर घले | एमाले | चामे गाउँपालिका, मनाङ | छिरिङ ध्वर्जे लामा (नेका) |
| ५ | कान्छा घले | एमाले | मनाङ ङिस्याङ गाउँपालिका, मनाङ | छिरिङ ओङमा गुरुङ (घले) (नेका) |
| ६ | धावा सम्डुक गुरुङ | एमाले | शे फोक्सुन्डो गाउँपालिका, डोल्पा | निर्विरोध |
| ७ | अंगदकुमार राना | नेकपा एस | काइके गाउँपालिका, डोल्पा | निर्विरोध |
| ८ | सेनाङ गुरुङ | नेकपा एस | छार्का ताङसोङ गाउँपालिका, डोल्पा | निर्विरोध |
| ९ | धनबहादुर गुरुङ | कांग्रेस | नासों गाउँपालिका, मनाङ | मनबहादुर गुरुङ (एमाले) |
