धनकुटा । नेपाली कांग्रेसका केन्द्रीय सदस्य सुनीलबहादुर थापाले यही वैशाख ३० गते हुने स्थानीय तहको निर्वाचनमा धनकुटामा अधिनायकवादी नेकपा (एमाले) लाई भोट नदिन अपिल गरेका छन् ।
राष्ट्रिय प्रजातन्त्र पार्टी (राप्रपा) बाट नेपाली कांग्रेस प्रवेश गरेका उनले धनकुटाको चुनावी सभामा धनकुटामा गठबन्धनका उम्मेदवारलाई भोट दिन आग्रह गरे ।
धनकुटामा पाँच दलीय गठबन्धनको नेतृत्व गरेका नेता थापाले एमालेको अधिनायकवाद र गणतन्त्र तथा संविधानविरोधी षड्यन्त्रलाई परास्त गर्न गठबन्धनका उम्मेदवारलाई जिताउन आग्रह गरे ।
धनकुटामा यसअघिको निर्वाचनमा क्लिन स्विप गरेको एमालेले छिन्ताङ काण्डका शहीदको परिवारको भावनामाथि खेलबाड गरी राजनीति गरेको आरोप लगाए ।
