काठमाडौं ।एक मुख्यमन्त्रीले आफ्नै प्रदेशको नाम विर्सिएका त होइनन् भन्ने आभास उनको विज्ञप्ति हेर्दा भएको छ । मधेश प्रदेशका मुख्यमन्त्री लालबाबु राउतद्धारा आज मंगलबार जारी विज्ञप्तिमा त्यस्तै देखिएको छ ।
उनले आज सीता जयन्तीको शुभकामना विज्ञप्ति प्रकाशन गरेर दिएका छन् । माता जानकीका नामबाट पनि चिनिने सीता माताको जन्मस्थल जनकपुर यसै प्रदेशमा पर्ने भएकाले मधेश प्रदेशका मुख्यमन्त्रीले शुभकामना दिनु अत्यन्तै सान्दर्भिक हो । उनले राम्रो काम गरेका छन् ।
तर उनले आफैले हस्ताक्षर गरेर जारी गरेको विज्ञप्तिमा भने मधेश प्रदेश नभनेर २ नम्बर प्रदेश भन्ने उल्लेख छ । उनले एक वाक्यमा सो उल्लेख गरेका छन् ।
सायद यो प्रदेशको नामकरण धेरै पछि भएर उनी झुक्किएका पनि हुनसक्छन् । तर यो ओहोदाको व्यक्तिले जारी गर्ने सूचना या विज्ञप्तिप्रति सम्बद्ध व्यक्ति आफैँ र उनको सचिवालय पनि सजग भइदिए राम्रो हुने हो ।
