बैतडी । प्रहरीले पुर्चौडी बहुमुखी क्याम्पसका प्राध्यापकमाथि कुटपिट गरेको आरोपमा प्रहरीले डिलासैनी गाउँपालिकाको अध्यक्षका उम्मेदवारलाई नियन्त्रणमा लिएको छ ।
सो गाउँपालिकाको अध्यक्षका उम्मेदवार लोकेन्द्र रानालाई प्राध्यापक रामदत्त जोशीमाथि कुटपिट गरेको आरोपमा प्रहरीले नियन्त्रणमा लिएको हो ।
अध्यक्षका उम्मेदवार राना र घाइते कुटपिटबाट घाइते भएका जोशी पक्षबीच गोकुलेश्वर प्रहरी चौकीमा छलफल भइरहेको जिल्ला प्रहरी कार्यालय बैतडीका प्रवक्ता लोकेन्द्र जोशीले बताए । घटनाबारे यथार्थ बुझ्न प्रहरीले रानालाई नियन्त्रणमा लिएको प्रहरी प्रवक्ता जोशीले बताए ।
प्राध्यापक जोशीमाथि स्वतन्त्र उम्मेदवारको चुनाव प्रचार गरेको भन्दै राना उनका समर्थकले कुटपिट गरेको पीडित पक्षले बताएको छ । जोशीको दुवै खुट्टामा गम्भीर चोटपटक लागेको परिवारले बताएको छ ।
