काठमाडौं । का.मु. प्रधान न्यायाधीश दीपक कुमार कार्कीले न्यायीक मूल्य मान्यतामा भएको क्षयीकरण निस्तेज गर्दै स्वतन्त्र न्यायपालीका अगाडी बढीरहेको बताउनु भएको छ ।
कानून दिवस २०७९को अवसरमा शुभकामना सन्देश जारी गर्दै कामु प्रधान न्यायाधीश कार्कीले यस्तो जनाउनु भएको हो ।
सन्देशमा उहाँले भन्नुभएको छ– संबैधानिक सर्वोच्चता नागरिक हक अधिकारको संरक्षण लगायत बिधिको शासनको पालनामा न्यायपालीका प्रतिवद्ध भएर अगाडी बढिरहेको छ ।
सन्देशमा भनिएको छ- न्यायपालीका हुन सक्ने विकृति, विसंगति पहिचान गरी नियन्त्रणका उपाय सुझाउन गठीत समितिले पेश गरेको प्रतिवेदनले औंल्याएका सुझाबहरु कार्यन्वयन गर्दै न्यायपालीका प्रतिको जनताको आस्था र विश्वास अभिबृद्धि गर्नका लागि छिटो छरितो विश्वसनीय एवं गुणस्तरीय न्याय सम्पादन गर्ने कार्यमा सबैले आ आफना क्षेत्रबाट थप क्रियाशील देखाउन आवश्यक रहेको छ ।
सन्देशमा भनिएको छ– न्याय गरेर मात्र हुँदैन गरेको जस्तो पनि देखिनु पर्दछ भन्ने मान्यतालाई आत्मसात गर्दै न्यायीक काम कारबाही एवं प्रकृयामा कुनैपनि कोणबाट शंका एवं अविश्वास पैदा हुन नसकोस् भन्ने उद्देश्यले स्वचालित पेसी व्यवस्थापन पद्धति लागू गर्ने सम्बन्धमा प्राप्त अध्ययन प्रतिवेदनले सुझाव अनुसार स्वचालित पेशी व्यवस्थापन पद्धति लागू गर्नका लागि आवश्यक पर्ने सफ्टवेयर निर्माण लगायत प्राविधिक पक्षको तयारी र सो का लागि आवश्यक पर्ने बजेट निकासाका लागि प्रकृया अगाडी बढाइएको छ । स्वचालित पेशी व्यवस्थापन पद्धति लागू नहुँदासम्मको लागि अल्पकालिन उपायको रुपमा गोलाप्रथा प्रकृयाद्वारा पेशी व्यवस्थापन गरी न्यायीक प्रकृयामा पारदर्शिता एवं स्वच्छताको पूर्ण प्रत्याभूति गरेको छ ।
सन्देशको पूर्णपाठ-
