रुपन्देही । नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले वर्तमान गठबन्धन सरकार बनेपछि देशमा अलच्छिन पसेको टिप्पणी गरेका छन् ।
आइतबार बुटवलमा आयोजित चुनावी सभालाई सम्बोधन गर्दै अध्यक्ष ओलीले सो कुरा बताएका हुन् ।
सरकारले पैसा छैन भनेको बताउँदै विकासे आयोजनाका बजेट काटेकोमा असन्तुष्टि जनाउँदै एमालेले कहिल्यै पैसा छैन नभनेको ओलीले दावी गरे ‘यो बाटो चौडा गर्न पैसा छैन भनेन, मेडिकल कलेजका लागि पैसा छैन भनेन, अर्को सभागृहका लागि पैसा छैन भनेन, अरु बाटाहरु र नदी नियन्त्रणका लागि पैसा छैन भनेन ।’
उनले अगाडी भने, ‘कस्तो अलच्छिन पस्यो देशमा ? देशमै अलच्छिन पस्यो । यो ३० गतेको निर्वाचनले यस अलच्छिनलाई जरैसमेत उखेलेर र टकटक्याएर फाल्नुपर्छ’,
यस्तै, आफू देशभरका कार्यक्रममा जाँदा जनताले मुलुकमा पाँच दलीय गठबन्धन छ भन्ने नै थाहा नभएको भन्दै एमाले मात्रै छ भन्ने जनताले बुझेको दाबी गरे ।
